He aha te Ua i heke ai

Ingoa o te Akonga:Hinemoa     Teenei Ra:26.03.15

Kaupapa a Marau: Putaiao Whenu: O’kawekawe

He aha te Ua i Heke ai?

Kua kite tātou i te ua e heke mai ana, engari he aha te ua i heke ai? Mā te hurihanga o te wai, ka heke mai te ua.

Te Hurihanga Wai E rima ngā wāhanga o te hurihanga wai: te mau wai, te whakaeto wai, te tōtā wai, te ua, te whakaputa wai. Tirohia te hoahoa e whai ake nei.

1. Te Mau Wai

Kei te moana, kei ngā tōpito kōpaka (ngā papa tio nunui), kei ngā awa me ngā roto te nuinga o te wai e mau ana.

2. Te Whakaeto Wai

Nā te mahana o Tama-nui-te-rā, ka hurihia te wai o runga i te whenua me te moana hei wairehu, arā, he kōpata wai tino iti e rere ana i roto i te hau.

3. Te Tōtā Wai

Ka piki ake ngā wairehu, ka mātaotao haere, ā, ka hurihia anō hei wai i roto i ngā kapua.

4. Te Ua

Ka puhia ake ngā kapua e te hau, ka mātaotao haere, ka taumaha haere, ā, ka heke iho te wai hei ua.

5. Te Whakaputa Wai

Ka kohikohi ngā awa i te ua. Ka rere atu ngā awa ki te moana. Ka tīmata anō te hurihanga wai. Ka huri haere te hurihanga wai hei oranga mō Papa-tū-ā-nuku, hei oranga hoki mō te tangata.  

Hei Mahi:

• He aha ngaa Kupu Mahi? Tuhia mai.kite,heke,huringa,Te Huringa wai,Te mau wai,mau,Te whakaeto wai,hurihia,rere,Te Tōtā wai,piki,mataotao haere,puhia,Te whakaputa wai,kohikohi,huri haere.

• Ko tehea kowae e whakaatu mai ana i te reo tuhono i te take me te paanga?Te whakaeto wai

• Tohua mai ko tehea kowae e whakaraupapa ana i te mahi?1.piki,2.mātaotao haere,3.hurihia anō hei wai i roto i ngā kapua

Kei tehea kowae te reo aa kaupapa? Tuhia mai ngaa koorero.tōpito kōpaka,whakaeto,wairehu,Te tōta wai,huringa wai